Літаратурны музей А. П. Чэхава
| Літаратурны музей А. П. Чэхава | |
|---|---|
 Будынак мужчынскай гімназіі ў Таганрогу (зараз Літаратурны музей ім. А. П. Чэхава) | |
| Заснаваны | 1935 |
| Адкрыты | 1980 |
| Месцазнаходжанне | Расія, г.Таганрог |
Літаратурны музей А. П. Чэхава — музей у Растоўскай вобласці, размешчаны ў будынку былой мужчынскай класічнай гімназіі, у якой вучыўся А. П. Чэхаў. Уваходзіць у склад Таганрогскага дзяржаўнага літаратурнага і гістарычна-архітэктурнага музея-запаведніка.
Гісторыя[правіць | правіць зыходнік]
Адкрыццё будынка мужчынскай гімназіі адбылося ў 1843 годзе, аўтарам праекта выступіў архітэктар Ф. К. Бофа, асноўным стылем будынка стаў кірунак рускага правінцыйнага класіцызму. З 1868 па 1879 год вучнем гэтай гімназіі быў вядомы рускі пісьменнік Антон Паўлавіч Чэхаў[1]. Менавіта ў ёй пісьменнік чэрпаў ідэі для напісання аповедаў: «І тое і сёе», «Рэпетытар», «Настаўнік літаратуры», «Выпадак з класікам», «Арыядна», «Чалавек у футляры». Потым у будынку гімназіі пачала месцавацца сярэдняя агульнаадукацыйная школа № 2, што атрымала імя Чэхава ў 1954 годзе. Школа функцыянавала да 1975 года, а ў 1980 годзе быў прынята рашэнне пра стварэнне музейнага комплексу. Стварэнне праходзіла ў некалькі этапаў: адкрыццё музея ў 1935 года, адкрыццё літаратурна-мемарыяльнай экспазіцыі «Пісьменнік і Радзіма» ў 1980—1985 гадах.
Сучаснасць[правіць | правіць зыходнік]
Экспазіцыя музея ўяўляе сабою вывучэнне жыцця і творчасці Антона Паўлавіча Чэхава, а таксама ўплывы Таганрога на яго творы. 29 студзеня 2010 года, да 150-годдзя з дня нараджэння была адкрыта новая экспазіцыя «А. П. Чэхаў: роднаму гораду і свету». Экспазіцыя налічвае больш 1600 экспанатаў.
У музеі праходзілі такія выставы як «Васковыя скульптуры Санкт-Пецярбурга», «Краіна ёлачных цацак», «Таганрог-Ялта. Геній Чэхава яднае», віртуальная выстава «Горад Чэхава вачамі мастакоў». Таксама дзейнасць музея часта асвятляецца ў мясцовых сродках масавай інфармацыі.
- У літаратурным музеі Чэхава на святкаванні 150-годдзя з дня нараджэння пісьменніка
-
У літаратурным музеі Чэхава -
У літаратурным музеі Чэхава
Зноскі
- ↑ Точка 4(недаступная спасылка). www.tgliamz.ru. Архівавана з першакрыніцы 19 мая 2018. Праверана 24 студзеня 2017.