Ալեքսեևյան ռեալական դպրոցի պանսիոնի և եկեղեցու շենք
 | |
|---|---|
 | |
| Երկիր |  Ռուսաստան |
| Տեղագրություն | Եկատերինբուրգ |
| Ճարտարապետ | Յուլի Դյուտել |
| Ժառանգության կարգավիճակ | Ռուսաստանի մարզային նշանակության մշակութային ժառանգության օբյեկտ |
 | |
 | |
Ալեքսեևյան ռեալական դպրոցի պանսիոնի և եկեղեցու շենք (ռուս.՝ Здание пансиона и церкви Алексеевского реального училища), ճարտարապետական հուշարձան[1] Ռուսաստանի Դաշնության Եկատերինբուրգ քաղաքում, որը գտնվում է Լենինի պողոտա, տուն 13 հասցեով։
Նկարագրություն[խմբագրել | խմբագրել կոդը]
Ալեքսեևյան ռեալական դպրոցի պանսիոնն ու եկեղեցին երկհարկանի շենք է, որը կարմիր աղյուսից կառուցել է ճարտարապետ Յուլի Օսիպովիչ Դյուտելը 1897-1901 թվականներին։
Սկզբնապես շենքում բնակվել են Ալեքսեևյան ռեալական դպրոցի սաները։ Ներկայումս շենքում տեղակայված է տղամարդկանց երգչախմբային քոլեջ։
Շենքն «Ալեքսեևյան ռեալական դպրոց» անվանումով մշակութային ժառանգության տարածաշրջանային (մարզային) նշանակության օբյեկտ է (գրանցման համար՝ 6600044000)[2]։
Պատմություն[խմբագրել | խմբագրել կոդը]
Եկատերինբուրգի Ալեքսեևյան ռեալական դպրոցը հիմնադրվել է 1873 թվականին՝ քաղաքագլուխ, լեռնային ինժեներ Վ. Ա. Գրամատչիկովի նախաձեռնությամբ[3]։
Սկզբում այն գտնվում էր «վարձակալած բնակարանում»։ 1880 թվականին դպրոցը կառուցեց սեփական շենքը, որը 1890 թվականին ընդարձակվեց։ 1897 թվականին ճարտարապետ Յ. Օ. Դյուտելին հանձնարարվեց դպրոցի համար մշակել եկեղեցու և պանսիոնի նախագիծն ու ծախսերի նախահաշիվը, իսկ 1898 թվականին այդ շենքը կառուցվեց[3]։
1901 թվականին Ի. Ի. Սիմանովի միջոցներով եկեղեցին նորոգվել է, իսկ օգոստոսի 28-ին օծվել է հանուն Ալեքսանդր Նևսկու։
XX դարի սկզբին դպրոցի համակառույցի մեջ եղել են ուսումնական մասնաշենքը, եկեղեցին և պանսիոնը, կողաշենքը, ծառայությունները, արևելյան և արևմտյան դարպասները և ցանկապատը։ Ուսումնական մասնաշենքի և եկեղեցու ու հանրակացարանի միջև այգի էր։ 1950-ական թվականներին դպրոցի պարտեզի տեղում կառուցվել է բազմաբնակարան շենք։ Ավելի ուշ քանդվել և վերակառուցվել են նաև օժանդակ կառույցները։ Կորսված են այգին, արևելյան և արևմտյան դարպասները[3]։
Ալեքսանդր Նևսկի եկեղեցու և պանսիոնի շենքը «նորռուսական» ոճի ճարտարապետական հուշարձան է, որն առանձնանում է XX դարի սկզբին բնորոշ ֆունկցիոնալ մոտեցման և լուծման մեթոդների տարածական և պլանավորման լուծումների վրա հիմնված ինքնատիպությամբ[3]։
Պատկերասրահ[խմբագրել | խմբագրել կոդը]
-
Շենքի ընդհանուր տեսքը -
Հյուսիսարևելյան թևը -
Շենքի մասին տվյալներով ցուցատախտակ -
Տեղեկություններ շենքի մասին -
-
-
-
Ծանոթագրություններ[խմբագրել | խմբագրել կոդը]
- ↑ Объекты культурного наследия Екатеринбурга
- ↑ «Пансион Алексеевского реального училища».
- ↑ 3,0 3,1 3,2 3,3 «Комплекс зданий Екатеринбургского Алексеевского реального училища». Արխիվացված է օրիգինալից 2017 թ․ հոկտեմբերի 26-ին. Վերցված է 2018 թ․ հունիսի 2-ին.