Էմմա Պոլոցկայա

Էմմա Պոլոցկայա
Ծնվել է	մարտի 5, 1922; Բաքու, Ադրբեջանական ԽՍՀ
Մահացել է	սեպտեմբերի 6, 2007 (85 տարեկան); Մոսկվա, Ռուսաստան
Մասնագիտություն	պատմաբան և գրական քննադատ
Հաստատություն(ներ)	ՌԳԱ Մաքսիմ Գորկու անվան համաշխարհային գրականության ինստիտուտ
Ալմա մատեր	Մոսկվայի պետական համալսարանի բանասիրույան ֆակուլտետ

Էմմա Արտեմևնա Պոլոցկայա (ռուս.՝ Эмма Артемьевна Полоцкая, օրիորդական ազգանունը՝ Հարությունովա, իսկական ազգանունը՝ Հարությունյանց, մարտի 5, 1922(1922-03-05), Բաքու, Ադրբեջանական ԽՍՀ - սեպտեմբերի 6, 2007(2007-09-06), Մոսկվա, Ռուսաստան), խորհրդային և ռուսաստանցի գրականագետ, Ա. Պ. Չեխովի ստեղծագործությունների մասնագետ։ Ազգությամբ՝ հայ։

Կենսագրություն[խմբագրել | խմբագրել կոդը]

Էմմա Արտեմի Հարությունյանցը ծնվել է Բաքվում, «Ազնեֆտ» տրեստի ծառայողի և սպիտակեղեն կարողի ընտանիքում^[1]։ Առաջին հրատարակված աշխատությունը «Աջակցություն կոլտնտեսությանը» հոդվածն էր թերթում («Նա բոյևոմ պոստու», ք. Ռուզա, 1942 թվականի սեպտեմբերի 4)։ Ավարտել է Մոսկվայի պետական համալսարանի բանասիրական ֆակուլտետը, այնուհետև սովորել է Մարիական հանրապետության Ն. Կ. Կրուպսկայայի անվան պետական մանկավարժական ինստիտուտի ասպիրանտուրայում։ Թեկնածուական թեզը պաշտպանել է 1954 թվականին, իսկ դոկտորականը՝ 1985 թվականին։ Դոկտորական ատենախոսություն թեման է «Ա. Պ. Չեխով։ Ստեղծագործական մտահղացումից մինչև իրագործում (բանաստեղծականության խնդիրներ)»։

Էմմա Պոլոցկայան աշխատել է Գրականության թանգարանում, Ա. Պ. Չեխովի թանգարան-բնակարանում, ԽՍՀՄ գիտությունների ակադեմիայի Ա. Մ. Գորկու անվան համաշխարհային գրականության ինստիտուտում (առաջատար աշխատակից)^[1]։ 19-րդ դարի երկրորդ կեսի ռուսական գրականության մեծագույն մասնագետն է։ Գործունեության հիմնական ուղղությունը Ա. Պ. Չեխովի ստեղծագործությունների ուսումնասիրությունն է։

Պոլոցկայան մասնակցել է Անտոն Չեխովի ստեղծագործությունների և նամակների լիակատար ժողովածուի (30 հատորով) լույսընծայմանը (1974–85)^[1]։

Էմմա Պոլոցկայան ավելի քան 70 գիտական և հանրամատչելի աշխատությունների հեղինակ է։ ««Բալենու այգին». կյանքը ժամանակի մեջ» գիրքն արժանացել է 2003 թվականի Մոսկվայի մրցանակին։

Մահացել է 2007 թվականին, Մոսկվայում։ Թաղված է «Ռակիտկի» գերեզմանատանը (Մոսկվայի մարզի Լենինյան շրջանում)^[1]։

Գրքեր[խմբագրել | խմբագրել կոդը]

А. П. Чехов: Движение художественной мысли. — М.: Советский писатель, 1979. — 340 с.
Пути чеховских героев: (Книга для учащихся). — М.: Просвещение, 1983. — 96 с.
О поэтике Чехова / РАН. Ин-т мировой лит. им. А. М. Горького. - М.: Наследие, 2000. - 239 с.
«Вишневый сад»: Жизнь во времени. — М.: Наука, 2003. — 381 с.
О Чехове и не только о нём. — М.: 2006. — 285 с. (последняя книга — сборник статей).
Библиография работ Э.А.Полоцкой о Чехове // Чеховский вестник. М., 2007. № 21.

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ПОЛОЦКАЯ (урожд. Арутюнова, наст. фам. Арутюнянц) Эмма Артемьевна (1922 – 2007)

Աղբյուրներ[խմբագրել | խմբագրել կոդը]

Московская энциклопедия. Том 1: Лица Москвы. Книга 3: М–Р. М.: Фонд «Московские энциклопедии», 2010

[moscow-1] 1,0 ^1,1 ^1,2 ^1,3 ПОЛОЦКАЯ (урожд. Арутюнова, наст. фам. Арутюнянц) Эмма Артемьевна (1922 – 2007)

[1]