Հողագործների պալատ
Հողագործների պալատ | |
---|---|
Երկիր` | Ռուսաստան |
Ճարտարապետական ոճ` | Բոզար |
Հողագործների պալատ (թաթ.՝ Игенчеләр сарае), կառույց Կազանի պատմական կենտրոնում, Վախիտովսկի շրջանում։ Տեղակայված է Կազանի պալատական հրապարակում, Կազանի կրեմլի և Կազանկայի առափնյայի հարևանությամբ։ Այստեղ են գտնվում Թաթարստանի Հանրապետության գյուղատնտեսության և սննդի նախարարության գլխամասային գրասենյակը, գլխավոր անասնաբուժական վարչությունը, «Հանրապետական ներդրումային և նորարարական ագրոարդյունաբերական կենտրոն» պետական միավորումը և մի շարք ենթակա կազմակերպություններ[1]։ Հողագործների պալատը դարձել է քաղաքի ամենահայտնի ժամանակակից տեսարժան վայրերից մեկը[2]։
Պատմություն[խմբագրել | խմբագրել կոդը]
Շենքը կառուցվել է Ֆեդոսևսկայա փողոցի սկզբնամասում քանդված շինության տարածքում։ Պալատի նախագիծն իրականացրել է «Անտիկա-պլյուս» ընկերությունը[3], նախագծի հեղինակն է Լեոնիդ Գորնիկը[4]։ Շինարարական աշխատանքները սկսվել են 2008 թվականի գարնանը, ավարտվել 2010 թվականին։ Շենքի կառուցման արժեքը կազմել է 2,2 միլիարդ ռուբլի[5]։ 2011 թվականից հանրապետության օրը և քաղաքի օրը՝ օգոստոսի 30-ին Պալատին հարակից հրապարակում հազարավոր հանդիսատեսների առջև տեղի է ունենում «Կազանի աշուն» միջազգային օպերայի փառատոնի գալա համերգը բացօթյա ձևաչափով։ Առաջին նման համերգին մասնակցել են ռուսական պրիմադոննա Լյուբով Կազարնովսկայան և իտալացի տենոր Լեոնարդո Գրոմենյան Թաթարստանի պետական սիմֆոնիկ նվագախմբի ուղեկցությամբ։
Ծանոթագրություններ[խմբագրել | խմբագրել կոդը]
- ↑ Новое здание минсельхоза РТ около Кремля достраивают в круглосуточном режиме Արխիվացված 2016-10-02 Wayback Machine // Газета «БИЗНЕС Online». — 15 декабря 2009 года.
- ↑ Дворец земледельцев в Казани украшает табличка с орфографической ошибкой (ФОТО)
- ↑ Здание Министерства сельского хозяйства и продовольствия РТ. Արխիվացված 2011-06-14 Wayback Machine // Сайт компании «Антика».
- ↑ Интервью с автором проекта Леонидом Горником // Журнал «Стройэкспертиза» - 01 февраля 2010]
- ↑ Строительство нового здания минсельхозпрода РТ обошлось в 2,2 млрд рублей Արխիվացված 2016-10-02 Wayback Machine // Газета «БИЗНЕС Online». - 19 марта 2010 года.
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Հողագործների պալատ կատեգորիայում։ |