Պետրոս I-ի և Ֆրանց Լեֆորտի հուշարձան
 | |
|---|---|
 | |
 | |
| Տեսակ | հուշարձան |
| Ստեղծում | 1998 |
| Երկիր |  Ռուսաստան |
| Բնակավայր | Մոսկվա |
| Շինության ձև | Հուշարձան |
| Նյութ | Տրավերտին, բրոնզ և գրանիտ |
| Ներկա վիճակ | Կանգուն |
Պետրոս I-ի և Ֆրանց Լեֆորտի հուշարձան (ռուս.՝ Памятник Петру I и Лефорту), համայն Ռուսիո առաջին կայսր Պետրոս I-ին և ռուս ադմիրալ Ֆրանց Լեֆորտին նվիրված հուշարձան Մոսկվայում։ Բացվել է 1999 թվականին։ Հուշարձանի քանդակագործներն են Ե. Մ., Վ. Ա., Դ. Վ. Սուրովցևները։ Հուշարձանը գտնվում է Մոսկվայի Կրասնոկազարմեննայա փողոցի 2 հասցեում։
Պատմություն[խմբագրել | խմբագրել կոդը]
Գեներալ-ադմիրալ (1656-1699 թթ.) Ֆրանց Յակովլևիչ Լեֆորտը եղել է կայսր Պետրոս I-ի ամենամոտ օգնականն ու խորհրդականը։ Նա մեծ դերակատարություն է ունեցել ցարական բանակի կազմավորման գործում։ Եղել է Մեծ դեսպանատան անդամ։ Թաղված է Մոսկվայի Վվեդենկոե (գերմանական) գերեզմանատանը։
Պետրոս I-ի և Ֆրանց Լեֆորտի արձանախումբը տեղադրվել է Մոսկվայում, Լեֆորտովսկի այգու մուտքի մոտ, Մոսկվայի Լեֆորտովո շրջանի 300-ամյակի կապակցությամբ։ Հուշարձանի հեղինակներն են ճարտարապետներ Վ. Վ. Ալեշինան և Վ. Վ. Կորչեգինը, քանդակագործներ, Ռուսաստանի ժողովրդական արտիստ Վլադիմիր Ալեքսանդրովիչ Սուրովցևը, ինչպես նաև Ելենա Միխայլովնա և Դանիլա Վլադիմիրովիչ Սուրովցևները։ Հուշարձանը մոխրագույն գրանիտե գմբեթով կոթող է, որի գագաթին քանդակված է թևավոր բրոնզե առյուծ։ Հուշարձանը տեղադրված է գորշ գրանիտե պատվանդանի վրա։ Պատվանդանը երեսապատված է տրավերտինե սալիկներով, չորս կողմերում զարդարված է դեկորատիվ որմնախորշերով և բրոնզե խորաքանդակներով։
Կենտրոնական հատվածում տեղադրված են Պետրոս I-ի և Ֆրանց Լեֆորի քանդակները։ Պատվանդանին կա գրություն.
|
Պետրոս I-ի և Ֆրանց Լեֆորտ։ | 
|
Երկու գործիչները նույն հասակն ունեն, քանդակված են զինվորական արտահագուստով, ուսերին ծածանվող թիկնոցներով։ Ֆրանց Լեֆորտը քանդակված է երկար մազերով, շքանշանով, ձախ ձեռքը ծալված է։
Տեխնիկական տվյալներ[խմբագրել | խմբագրել կոդը]
Պետրոս I-ի և Ֆրանց Լեֆորտի ու թևավոր առյուծի հուշարձանը պատրաստված է բրոնզից, պատվանդանը՝ գրանիտից, երեսապատված է տրավերտինով։ Հուշարձանի շրջակայքը բարեկարգ է։
Գրականություն[խմբագրել | խմբագրել կոդը]
- Памятники монументального искусства Москвы: справ. изд. / Департамент культурного наследия г. Москвы. - М.: ООО «Милк Эдженси», 2016. - 404 с.: с. 264. ISBN 978-5-9907078-1-8.
 Արտաքին պատկերներ
| |
|---|---|
|
Պետրոս I-ի և Ֆրանց Լեֆորտի հուշարձան |
