Blagoveščensk (Amuran agj)

Blagoveščensk
Благовещенск
Lidnanznam;	Flag;
Valdkund	Venäma
Eläjiden lugu (2021)	225,757 ristitud
Pind	320,97 km²
Pämez'	Oleg Imamejev; (heinku 2020—)
Telefonkod	+7−4162-xxx-xxx
Avtokod	28
Aigvö	UTC+9 (MSK+6)

Sil sanal voib olda toižid znamoičendoid; miše nähta niid, tulgat tänna.

Blagoveščensk (ven.: Благовещенск [bləgɐˈvʲeɕːɪnsk]) om lidn da lidnümbrik Venäman suvipäivnouzmas. Se om Amuran agjan administrativine keskuz da kaikiš suremb lidn.

Istorii[vajehta | vajehtada tekst]

Eländpunktan aluz om pandud Ust'-Zejan küläks (ven.: станица Усть-Зейская) vl 1856. Külä sai lidnan statusad nügüdläiženke nimitusenke vl 1858, Blagoveščenjan jumalanpertin mödhe.

Vozil 1919 (keväz'ku) — 1920 (semendku) Blagoveščensk oli okkupiruidud Japonijan imperijan sodavägil.

Geografijan andmused[vajehta | vajehtada tekst]

Lidn sijadase Amur-jogen hural randal Zei-jogen lanktendan sijas, 122 metrad keskmäižel korktusel valdmeren pindan päl. Amur-jogen leveduz om läz 800 metrad lidnan röunoiš. Kitajine Heihe-lidn seižub Amuran oiktal randal vasthapäi, kaikiš penemb keskust sihesai om 526 metrad. Avtotesild ühtenzoitab niid, se om saudud vll 2016−2019, no ekspluatacii ei ole zavodinus pandemijan tagut i planiruiše vn 2022 ezmäižes polespäi.

Kaks' muite žilod, kaks' küläd da kaks' žilod raudtestancijanno mülüdas lidnümbrikho Blagoveščenskan ližaks.

Eläjad[vajehta | vajehtada tekst]

Vl 1913 lidnan ristitišt oli läz 70 tuhad. Vn 2010 kaiken Venäman rahvahanlugemižen mödhe lidnan eläjiden lugu oli 214 390 ristitud, lidnümbrikon — 219 847 ristitud. Lidnan kaikiš suremb ristitišt oli 222 tuhad eläjid vl 2000 i 226 385 eläjad vl 2020. Vl 2018 lidnan ristitišt oli 225 091 eläjad, lidnümbrikon — 230 416 eläjad, agjan koume kümnendest.

Ortodoksižen hristanuskondan Jumalanmaman Blagoveššenjan kafedraline päjumalanpert' (uz' om saudud vll 1997−2003), viž jumalanpertid i viž kodijumalanpertid oma olmas lidnas^[1], mugažo islaman pämečet' om saudud.

Edeline lidnan pämez' om Valentina Kalita (keväz'ku 2015 — heinku 2020).

Transport[vajehta | vajehtada tekst]

Rahvahidenkeskeine civiline Ignatjevo-lendimport (BQS / БГЩ, 710 tuhad passažiroid vl 2021) sijadase 15 kilometras lodeheze lidnan keskusespäi.

Avtobusad, trolleibusad da taksid oma kundaližeks transportaks lidnas. Ühtenzoituz Heihenke: laivad ujudas kezal, avtobusad ajadas tal'vel.

Vspäi 1913 Blagoveščensk-raudtestancii om olmas. Raudte ühtenzoitab lidnad Belogorskanke, se om 109 km pitte.

Galerei[vajehta | vajehtada tekst]

Lidnan Duman i Administracijan sauvuz (2017)
Amuran agjan kodirandantedištandmuzei (2012)
Jumalanmaman Blagoveššenjan kafedraline päjumalanpert', vn 2017 nägu
Gavriil-arhangelan jumalanpert', vn 2013 nägu (ende riman katoline pühäpert')
«Amurskaja jarmarka»-torguindkeskuz (2017, Amuran jarmank)
Amuran valdkundaline universitet, päkorpus (2010)
Amuran valdkundaline medicinine akademii, administrativine korpus (2014)
«Azija»-adivpert' (2011, Azii)
Ignatjevo-lendimportan terminalad vl 2012
Blagoveščensk-raudtestancijan sauvuz vl 2012

Homaičendad[vajehta | vajehtada tekst]

↑ Blagoveščenskan pühäpertid sobory.ru-saital. (ven.)

Irdkosketused[vajehta | vajehtada tekst]

Blagoveščensk (Amuran agj) Vikiaitas

	Amuran agjan lidnad
	Belogorsk \| Blagoveščensk \| Ciolkovskii \| Raičihinsk \| Skovorodino \| Svobodnii \| Šimanovsk \| Zavitinsk \| Zei \| Tind

	Venälaižen Federacijan subjektoiden pälidnad
	Abakan \| Alauz'lidn \| Anadir' \| Arhangel'sk \| Astrahan' \| Barnaul \| Belgorod \| Birobidžan \| Blagoveščensk \| Bränsk \| Čeboksarad \| Čeläbinsk \| Čerkessk \| Čit \| Elist \| Gatčin \| Gorno-Altaisk \| Groznii \| Habarovsk \| Hanti-Mansiisk \| Irkutsk \| Iževsk \| Ivanovo \| Jakutsk \| Jaroslavl' \| Jekaterinburg \| Joškar-Ol \| Kaliningrad \| Kalug \| Kazan' \| Kemerovo \| Kirov \| Kizil \| Kostrom \| Krasnodar \| Krasnogorsk \| Krasnojarsk \| Kurgan \| Kursk \| Lipeck \| Magadan \| Magas \| Mahačkal \| Maikop \| Moskv \| Murmansk \| Nal'čik \| Nar'jan Mar \| Novosibirsk \| Omsk \| Orel \| Orenburg \| Penz \| Perm' \| Petropavlovsk Kamčatkal \| Petroskoi \| Piter \| Pskov \| Rostov Donal \| Räzan' \| Salehard \| Samar \| Saransk \| Saratov \| Siktivkar \| Simferopol' (de fakto) \| Sevastopol' (de fakto) \| Smolensk \| Stavropol' \| Sur' Uz'lidn \| Suvisahalinsk \| Tambov \| Tomsk \| Tul \| Tver' \| Tümen' \| Uf \| Ulan Ude \| Ul'janovsk \| Vladikavkaz \| Vladimir \| Vladivostok \| Volgograd \| Vologd \| Voronež

[1] Blagoveščenskan pühäpertid sobory.ru-saital. (ven.)

[1]