Սուրբ Նիկողայոս եկեղեցի (Նիկոլաևկա)
Սուրբ Նիկողայոս եկեղեցի ռուս.՝ Церковь Николая Чудотворца | |
---|---|
Հիմնական տվյալներ | |
Տեսակ | տաճար և ճարտարապետական հուշարձան |
Երկիր | Ռուսաստան |
Տեղագրություն | Նիկոլաևկա (Նեկլինովսկի շրջան) |
Դավանանք | ուղղափառություն |
Թեմ | Ռոստովի և Նովոչերկասկի թեմ |
Հիմնական ամսաթվերը | 1850 |
Ժառանգության կարգավիճակ | Ռուսաստանի մարզային նշանակության մշակութային ժառանգության օբյեկտ[1] |
Հիմնադրված | 1850 |
- Անվան այլ կիրառումների համար տե՛ս՝ Սուրբ Նիկողայոս եկեղեցի (այլ կիրառումներ)
Սուրբ Նիկողայոս եկեղեցի (ռուս.՝ Церковь Николая Чудотворца), ուղղափառ եկեղեցի Ռուսաստանի Դաշնության Ռոստովի մարզի Նեկլինովսկի շրջանի Նիկոլաևկա գյուղում։ Ենթարկվում է Ռուս Ուղղափառ եկեղեցու Ռոստովի և Նովոչերկասկի թեմի Տագանրոգի գործակալությանը։ Կառուցվել է 19-րդ դարի կեսերին[2]։
Պատմություն[խմբագրել | խմբագրել կոդը]
Առաջին եկեղեցին Նիկոլաևկա գյուղում կառուցվել է դեռևս 1782 թվականին։ Եկեղեցին եղել է փայտե և գոյատևել ոչ երկար. արդեն 1878 թվականին այն այրվել է չպարզված պատճառներով։ Այրված եկեղեցու տեղում շուտով կառուցել են նոր եկեղեցի, որն օծվել է ի պատիվ Տիրոջ պայծառակերպության։ Այն կառուցվել է Միքայել Հրեշտակապետ հին եկեղեցու գերաններից, որը գտնվում էր Տագանրոգի ամրոցում[3]։
Մոտ 1850 թվականին գյուղում փայտե եկեղեցու փոխարեն կառուցվել է քարե եկեղեցի երկու սեղանով. առաջինն օծվել է ի պատիվ Տիրոջ պայծառակերպության, երկրորդը՝ ի պատիվ անշահասեր Կոսմասի և Դամիանոսի։
Խորհրդային իշխանության օրոք ձեռնարկվել են եկեղեցին փակելու բազմաթիվ փորձեր։ Հայտնի է, որ եկեղեցու քահանա Գրիգորի Կալինովսկին գնդակահարվել է «Եկեղեցին պետությունից անջատելու մասին» դեկրետը խախտելու մեղադրանքով[3]։
Գերմանական օկուպացիայի ժամանակ եկեղեցու շենքում տեղակայվում էին խորհրդային ռազմագերիները։ Նահանջելիս նացիստները նրանց մտցրել են նկուղ և նռնակակոծել։ Եկեղեցու շենքը նույնպես տուժել է մարտական գործողություններից։ Զանգակատանը մինչ օրս գտնվում է վնասազերծված ավիառումբ[3]։
1950-ական թվականներին, Նիկիտա Խրուշչովի հակակրոնական արշավի ժամանակ, տաճարը փակվել է և կողոպտվել, շինության տարածքներն օգտագործվել են նախ որպես մարզադահլիճ, ապա՝ հացահատկի և քիմիկատների պահեստ[3]։
1989 թվականից տաճարը սկսել է վերականգնվել։ Հիմա այն ամբողջությամբ վերանորոգվել է[4], նրան կից կազմակերպել է կիրակնօրյա ծխական դպրոց[3]։
Ծանոթագրություններ[խմբագրել | խմբագրել կոդը]
- ↑ Постановление Главы Администрации Ростовской области № 69 от 14.03.1994
- ↑ «Николаевка|Церковь Николая Чудотворца». sobory.ru. Վերցված է 2017 թ․ փետրվարի 26-ին.
- ↑ 3,0 3,1 3,2 3,3 3,4 «Благочиния и приходы - Таганрогское благочиние - Приходы - Никольский храм с. Николаевка Неклиновского района - История прихода». rostoveparhia.ru. Վերցված է 2017 թ․ փետրվարի 26-ին.
- ↑ «Никольский храм с. Николаевка - ОФИЦИАЛЬНЫЙ ПОРТАЛ НЕКЛИНОВСКОГО РАЙОНА». nekl.donland.ru. Արխիվացված է օրիգինալից 2017 թ․ փետրվարի 27-ին. Վերցված է 2017 թ․ փետրվարի 26-ին.