Føroyskt: Minnissteinur í Froðba til minnis um skaldið Poul F. Joensen. Minnisvarðin stendur tætt við húsini har hann búði tað mesta av sínum vaksna lívi. Steinurin er tikin úr haganum úr Sumba, hagani skaldið var føddur og vaksin upp. Steinurin varð reistur har í juni 2007. Tað var Lions Club Suðuroy, ið tók stig til at fáa steinin reistan. Poul F. er eitt av mætastu skaldum føroyinga. Hann yrkti sera fjølbroytt, var onkuntíð samfelagsrevsari og onkuntíð skrivaði hann vakrar kærleiksyrkingar. Hanus G. Johansen, sangari og tónaskald, hevur gjørt lag til fleiri av yrkingunum hjá Poul F. og eru sangirnir sera væl umtóktur. Yrkingarnar hava harvið fingið nýtt lív. Poul F. útgav sítt fyrsta yrkingasavn í 1924, tað nevndist Gaman og álvara, og var tað annað yrkingasavnið skrivað á føroyskum av einum føroyskum skaldi. Bert Janus Djurhuus hevði áður givið út eitt yrkingasavn á føroyskum, tað var Yrkingar í 1914.