Македонски: Во лажичката за согорување се става малку сулфур. Слуфурот се загрева и се пали на гасна греалка. На почетокот сулфурот се топи, а во следниот момент се пали. Така запалениот сулфур се внесува во комората за согорување и се следат промените. Во однос на горењето на сулфурот во атмосфера од воздух, се забележува дека интензитетот на горење во атмосфера на чист O₂ е поголем. Воздухот се состои од 21% кислород и 78% азот, така што количеството кислород (и неговата концентрација) во оваа реакција е пет пати поголемо одошто во воздухот. При горењето се одвива реакцијата која може да се претстави со равенката:

S(s) + O₂(g) = SO₂(g)

Сулфур диоксидот што е продукт при оваа реакција, се раствора во водата во микропромивалката образувајќи сулфуреста киселина, која ја неутрализира базата, а вишокот образувана киселина ја намалува рН вредноста на средината, како резултат на што се обезбојува растворот на фенолфталеинот:

SO₂(g) + H₂O(l) = H₂SO₃(aq)

Експериментот е изведен од проф. Миха Буклески. Во планирањето на опитот исто така биле вклучени пензионираниот проф. д-р Владимир Петрушевски, проф. д-р Марија Стојановска и студентот Михаил Трајков, Институт за хемија, ПМФ, УКИМ, Скопје, Македонија.