Deutsch: Das ander alter / der werlt Blat XIII: Aufstaylung der werlt in gemain: Die werlt wirdt darumb ein umbkrais genat dz sie simbel rotund gescheybelt oder kugelt ist. Aw ist die werlt in drey tayl, nemlich in Asiam; Affricam und Europaz getailt, aber doch nicht gleichlich, dan Asia raichet von mittemtag durch de aufgang bis zu mitternacht, aber Europa von mitternacht bis zum nidergang, und Affrica zum nidregang von mittemtag. Nun begreifft allem Asia den halben tayl unsers inwonlichen tails, und Affrica und Europa den andern halben tayl. / Zwischen disen taylen rinnen von dem gemainen meer ein groß meer unnd underschaidet dieselben. Sudu nw die werlt in zway tayl, als des aufgangs und nydergangs taylst, so ist in einem tyl Asia und in dem andern Affrica und Europa, also haben sie die sun Noe nach der sintfluss aufsgetaylt, und Sem it seinen nachkomen Asiam, Japhet Europam und Cham Affricam besessen, als die Schrifft, auch Crisostomus, ysidorus unnd Plinius sagen.