Pecio de Punta Fradiño, Illa de Cortegada (Vilagarcía de Arousa) Campaña 1983 de prospeccións subacuáticas (009064)

Os bens de consumo

A integración no Imperio romano e a consolidación das rutas comerciais non só inundarán o territorio galaico de todo tipo de manufacturas procedentes dos máis variados lugares do Imperio senón que estimularán a produción artesanal local coa aplicación de novidades tecnolóxicas e formais, coa instalación de novos talleres, etc.

A presenza de novos e variados tipos de vaixela de cociña e mesa mostran a implantación de novos costumes. O mesmo nos obxectos de adorno persoal, onde o bronce segue a ser o material máis utilizado aínda que coñecemos a existencia de pezas de óso e, por suposto, de metais nobres. Ou en multitude de obxectos utilitarios como as lucernas de aceite para iluminación, o instrumental de traballo, etc.

Por suposto, a moeda irá substituíndo con rapidez ao troco nos intercambios comerciais.

• Texto: Museo de Pontevedra